Aðstaða og samstarf
Starfsemi Landfara er í Desjamýri 10 í Mosfellsbæ en þar eru skrifstofur og söludeild nýrra Mercedes-Benz vöru- og hópferðabíla, auk þjónustuverkstæðis, varahlutalagers og verslunar í tæplega 2500 m2 glæsilegu húsnæði.
Landfari er einnig með starfsemi í Klettagörðum 4 í Reykjavík. Þar er lögð áhersla á viðgerðir á eftirvögnum og er sú þjónusta vaxandi. Starfsemin þar mun flytjast í stærra húsnæði að Klettagörðum 5 í sumar og um leið verður þjónustuframboð aukið.
1. júní verður svo opnað nýtt 1000m2 fullbúið verkstæði fyrir atvinnubíla og eftirvagna að Álfhellu 15 í Hafnarfirði. Verkstæðið er mjög vel útbúið til að þjónusta atvinnutæki.
Landfari er viðurkenndur þjónustuaðili fyrir Hammar gámalyftur og er að auki sölu- og þjónustuaðili fyrir Faymonville og VAK vagna.